Es Läbe am Stutz
Mis Immer isch churz - u glych aues woni ha
Es Läbe am Stutz - und i meine nid bärgab
I räppe nur für mi - red zu de Stimme i mim Chopf
Hang sit 17 Johr am Beat - glych ke Song usebrocht
Gib mer säuber Therapie - Rap isch Medizin
I hoff i blib drby - bis d'Sunne wider schiint
Ufgwachse uf der Strass - ohni Mami ohni Papi
Aui rede vo der Strass - gib mer d'Chance u de gani
Mach das aues nid für Fame - wayne
Bi hie ou ohni deheim
Sir sit Tag eis - mit de Cans i der Nacht
Sir usem Heim - mit der Rhymes vouer Hass
Ha ghört sigi gstört - doch i mach nid uf krass
Es Läbe lang brönnt - es Läbe lang Gass
I ha so viu Lüüt entdüüscht - wüui mängisch eifach ghoste
Dir bedütet mer nid nüüt - s'zerriisst mi, chöit mer gloube
Ohnmacht beschribt z'Gfüeu - drum releasi die paar Strophe
Wüui aues womi berüehrt - is Suduheft poste
Vöuig nackt - aues autobiographisch
Drum ou nid aues im Tackt - wüus drfür viu z'wahr isch
Jedes Wort isch e Fackt - kei künschtlechi Tragik
So viu Härzbluet pro Satz - wüu ds eifach dr Jan isch
Wes öpper füeut - bitte mäude - i schick dä scheiss gratis
I weiss ou Angerei hei müeih - u si allei mit ihrem Wahnsinn
Beschribe cha häufe - Wörter finge isch schwirig
So Zile ghöreni z'säute - drum schriibi mer mini
Mine Fründe wetti säge - das se über aues liebe
Und mi nur so säute mäude - wüui nur so säute mi bi
Shorty - Biine - u dä wo aues het verlore
Ohni öiich wäri niene - mit öiich füeu mi geborge
Zwöii mou 16 Zile - e Loop und e Drumspuur
E Song - mine - überduuret die Tortuur
Mis Immer isch churz - u glych aues woni ha
Es Läbe am Stutz - und i meine nid bärgab
Mis Immer isch churz - u glych aues woni ha
Es Läbe am Stutz - und i meine nid bärgab
Mis Immer isch churz - u glych aues woni ha
Es Läbe am Stutz - und i meine nid bärgab