Kom Kinders Besing

Kom kinders besing met `n vrolike stem
Die wonder van God in die stad Betlehem
Want daar is die Heiland gebore die nag
Die hoop van die wêreld deur eeue verwag

Geringe klein dorpie in duister gehul
'n Heilswoord is deur die geboorte vervul
Die Lig van die wêreld, die Godlike Kind
Is Jesus in wie ons U saligheid vind

In nedrige krip was Sy bedjie berei
Die Kind wat die harte van almal verbly
Omhoog uit die Hemel sing engele eer
Die herders en wyses kom kniel voor Hom neer

Ons bring soos die herders en engele weer
Aan Hom alle hulde ons Heiland en Heer
Verlos van die sonde besing ons tesaam
Die roem en die eer van Sy heerlike naam

O Vader maak ons deur U Gees ook getrou
Laat ons die gebod van die liefde onthou
En hou ons gehoorsaam aan U steeds verbind
Gewy aan U diens soos die Betlehemskind

Kom kinders besing met `n vrolike stem
Die wonder van God in die stad Betlehem
Want daar is die Heiland gebore die nag
Die hoop van die wêreld deur eeue verwag

Die hoop van die wêreld deur eeue verwag

Die hoop van die wêreld deur eeue verwag