Passione
Libero Bovio, Nicola Valente, Ernesto Tagliaferri
Cchiu luntana me staie
Più vicina te sento
Chi sa a chistu mumento
Tu a chi pienze, che ffaie!
Tu m'hé mmiso int'e vvene
Nu veleno ch' é ddoce
Nun me pesa sta croce
Ca trascino pe te
Te voglio, te pienzo, te chiammo
Te veco, te sento, te sonno
È n'anno, 'nce pienze ca é n'anno
Ca st'uocchie non ponno cchiù pace truvà?
E cammino cammino
E nun saccio addo vaco
I' sto sempe 'mbriaco
E nun bevo mai vino
Aggio fatto nu vuto
A Madonna da Neve:
Si me passa sta freve
Oro e perle lle do
Te voglio, te pienzo, te chiammo
Te veco, te sento, te sonno
È n'anno, 'nce pienze ca é n'anno
Ca st'uocchie non ponno cchiù pace truvà?