Main Hindustan Hoon

Nazron me aag hai
Saanson me hai toofan
Zinda watan se hum
Watan se hai imaan

Ye hausla na ruke kabhi
Ye sheesh bhi na jhuke kabhi
Tere liye saansen chal rahi
Badlegi na ye aadat kabhi

Jiye jiske liye wo dharm hai
Mitti hai meri
Jo isme chal rahi saansen
Wo saansen hain meri
Nibhai maine jo hardam
Wahi fitrat hai meri
Mai hindustaan hoon aur bus
Yahi chaahat hai meri

Rookhi sarhadon me watan ki
Khushk hariyali
Teyohaaron me saare watan ke
Rang se laali
Khaaki neela aur safed
Rand me na koi bhed
Sher ka dil seene me
Lakshya hum sab ka hai ek
Raagon me sammaan
Akhon me abhimaan
Chhoote hum har dil
Rakhte iska maan

Takraar bhi gar ho kaheen
Harenge na bazi kabhi
Tere liye marna sahi
Tujhse karen wada yahi

Jiye jiske liye wo dharm hai
Mitti hai meri
Jo isme chal rahi saansen
Wo saansen hain meri
Tirange ke qafan me lipti jo
Sohbat hai meri
Mai hindustaan hoon aur bus
Yahi chaahat hai meri