Foodie

Been ah foodie from a little rudie
Grandma grew mi this is how she school mi
Say she a guh cook a pot ah food gimmie
And if mi nyam it off she ah guh beat mi
If mi nuh nyam it off she still ah beat mi
She ask weh mi ah guh do mi say mi ah guh eat it
Because lick dont hotta than a hungry belly

Dem seh how comes yuh ah ras and yuh still a nyam meat
Mi seh how comes you ah man and you ah watch weh mi eat
Mi ah mi own man marching to mi own beat
And what defile you is not what you eat
It is you meditation and the word weh you speak
The guns you a buss and the friend you ah keep
Im not a wolf trying to be ah sheep Im just ah man who is dying to eat