Wie a Mosaik

I hob ma des genau augschaut mit meim inneren Aug, ois hot dagegen gsprochen doch i hab den Stimman net glaubt, drauf vertraut dass wenn i drau bleib, Zweifel aufschreib - Downs net lang dauern und mi
außerdem autreibm.
Da rhyme is tight when the time is right, weil i gern Zeiln schreib bevor i ma die zeit vertreib, zvü zeit is as Zü wal de gscheid verstreicht während i ma die Vinylplottn einverleib, yeah!
de werdn zrissn und wieder zammanpickt zu am neign Stickl ähnlich wie a Mosaik, aufgnomman zum Glick no kan riesigen Kredit, nur meine Liada und da Zwieda wird vawondlt in Musik.
Wie i tick? in meim Ridim, is ka Hit? trotzdem nimmin, Leit kassiern kontaktlos i gabat eana gern Schilling, ois net billig leider, dann huck i chillig am Feier, hea as Knistern de poor Scheitl woan mit Sicherheit net teier
Scho vü auswendig glernt doch ka bisl gscheider worn.
Na i kaus net mehr hean, doch hob sicher nix bei die Ohrn.
I vertrau eich net mehr, eire Tricks kennts eich glei daspoan!
I schreib auf wos i her, und die Hitz holt mi gschmeidig woam.
I homma des genau augheat mit vü frischere Ohren. Sie ham zwar weider gred die Stimmen doch inzwischen ins kloa dass, wenn i durchbeiss Föhla durchstreich, anfoch weiterschreib, die Wön mi neama furt reisst.
Iwadraht als wär in da Woschmaschin, i moch heit kane Sochn hin, nur da Plottnkoffer is mei Opfer, nimm irgendso a ganz zakrotzte Scheibm aussa und kotz dazua mein Grant und oide Leiden auffa.
Hob kan Bock zum Verdrängan, lossn kopf neama hängan, ausser vor da MPC beim bastlen von neige Banger, hau in die Tasten und mei Gegner verpasstn Moment wo a zuhaun suit weiln da Beat überruit.
Scho vü auswendig glernt doch ka bisl gscheider worn.
Na i kaus net mehr hean, doch hob sicher nix bei die Ohrn.
I vertrau eich net mehr, eire Tricks kennts eich glei daspoan!
I schreib auf wos i her, und die Hitz holt mi gschmeidig woam.
I wü experimentieren, mi noch Tracks orientieren, Texte schreddan als hätt i an Hexla in da Birn, wenn da nächste Zwieda bliaht, geh i längst net in die Knia - foah net mit da Ruitreppm, wechsl auf die Stiagn,
hob a hetz wenn i mi riah, echte Heads werdn net miad, i loss di in Ruah und mir mein Hexnschuss massiern.
Net perfekt aber probier net nur Dreck zu produziern eier dämliches Geschwätz is as Letzte wos i gspia.
No long net ausglernt, grod amoi gscheid aufgwärmt, die Höfte war zum schoffn warum suit i do jetz aufhean.
Jeda checkt net warum i im Hinterland haus, doch a guada Tog fia mi is wenn i net ins Internet brauch.
Na danke - i wü net no a Update mochn, mit meim Ofen aus die 80er kau i genau so guade Cupcakes bochn,
as Feier losst si wie gehabt entfochn, i hea as Knistern und verbrenn olle unnötigen Sochn.
Und sitz wiedermoi herum und bin am Jamman.
Is die beste Zeit oide Plottn aus die Kastl zu ramman.
I leck meine wunden und versorg meine Schramman.
Um fresh a ganz a aneigs Kapitel anzufangen.
Scho vü auswendig glernt doch ka bisl gscheider worn.
Na i kaus net mehr hean, doch hob sicher nix bei die Ohrn.
I vertrau eich net mehr, eire Tricks kennts eich glei daspoan!
I schreib auf wos i her, und die Hitz holt mi gschmeidig woam.