Bawat Daan

Sa pagkumpas ng 'yong kamay
Aking landas ginagabay
Nag-iisang tiyak sa isang libong duda
Silong sa iyak at pagluluksa

Kung puso ko ay imamapa
Ikaw ang dulo gitna't simula
Nahanap din kita (kay tagal kong naghintay)
Nahanap din kita (kay tagal kong naghintay)

Maligaw man at mawala
Umikot man sa kawalan
Sa bawat kailan sino't saan
Ikaw lamang ang kasagutan

Bawat kanan at kaliwa
Kanluran man o hilaga
Ang bawat daan ko ay patungo
Pabalik sa 'yo

Kay tagal nang lumulutang
Walang pupuntahan walang dahilan
Parang ulap na walang dalang ulan
Kamang walang kumot at unan

Bihag ako ng pagtataka
May saysay ba ang paglalakbay
Ngunit nahanap din kita (kay tagal kong naghintay)
Nahanap kita (kay tagal kong naghintay)

Maligaw man at mawala
Umikot man sa kawalan
Sa bawat kailan sino't saan
Ikaw lamang ang kasagutan

Bawat kanan at kaliwa
Kanluran man o hilaga
Ang bawat daan ko ay patungo
Pabalik sa 'yo

Ikaw ang dulo ang gitna't simula oh