Sampali Kahani Mazi
Sudhir Phadke, Shanta Shelke
संपली कहाणी माझी संपली कहाणी
संपली कहाणी माझी संपली कहाणी
धुंद चांदण्या त्या राती
संगतीस होती प्रीती
स्वप्नभारल्या जिवाला
आस मीलनाची होती
आस लोपली ती आता म्लान रातराणी
संपली कहाणी माझी संपली कहाणी
मुके पाखरू ये कोणी
प्रेमशून्य माझ्या गेही
लळा लावुनी का ऐसा
उडुन आज जावे तेही
बाहुलीविना त्या दृष्टी अंध दीनवाणी
संपली कहाणी माझी संपली कहाणी
अर्थहीन जीवन झाले
प्रेमबंध तुटता सारे
दिशांतून घेरित आले
क्रूर वादळाचे वारे
विनाकिनार्याची राहे रात ही दिवाणी
संपली कहाणी माझी संपली कहाणी
संपली कहाणी माझी संपली कहाणी