مش مستاهلة

لو بعت اللي ما بينّا قول
وأنا ولا لوم عليّ
مش هعمل في الحبة دول
مش مستاهلة هيّ
إيه آخرتها فراق و وداع
ودموع تمثيلية؟
من إمتى اللي بيقسى وباع
بيكون الضحية

إنت اللي أنا ياما قلت عليه
مش هيبيع زي الثانيين
شوف عندك وصّلنا لإيه
ولّا عايز أدلة؟
طب جاي متعشم على إيه
جاي بتدور على مين
ما هو مش شغل دراما حزين
وأهو عادي كنّا بنتسلّى
لو بعت اللي ما بينّا قول
وأنا ولا لوم عليّ
مش هعمل في الحبة دول
مش مستاهلة هيّ

مش فاكر وأنا كنت معاك
من غير حضن يساعك
مستكثر مبقاش فكراك
بعد ما كله باعك
تجرحني وبعديها تروح
إيه من جرحي جاي لك؟
قُربك لو كان آخر روح
روح وفّر جمايلك

إنت اللي أنا ياما قلت عليه
مش هيبيع زي الثانيين
شوف عندك وصّلنا لإيه
ولّا عايز أدلة؟
طب جاي متعشم على إيه
جاي بتدور على مين
ما هو مش شغل دراما حزين
وأهو عادي كنّا بنتسلّى
لو بعت اللي ما بينّا قول
وأنا، وأنا، وأنا ولا لوم عليّ
مش هعمل في الحبة دول
مش مستاهلة هيّ