Waat ens jraad
Wolfgang Niedecken
Waat ens jraad, eh du dich römmdriehs
Nur noch eins, eh du enschlööfs
Jet, wo 'sch nit besonders joot drin
Un wenn du mich donoh frööchs
Off merkwürdig reajiere
Met ’nem Spruch oder 'nem Wetz
Wenn ich övverhaup zohühre
Deshalv saach ich et dir jetz
Eij'ntlich möhtste’t och su wesse
Noh allem, wo mir heil durch
Eij'ntlich kanns du mich doch lese
Jed Jeföhl un jede Sorsch
Noh mieh als zweimohl zehn Johre
Noh zwei Dööchter un drei Hüng
Maximal vier jraue Hohre
Weiß ich ein Saach janz bestemmp:
Ich möht dausend Leeder schrieve
Die du allesammp verdeens
Doch besser nit övverdrieve
Noher jläuvste mir jar keins
Mädche, du bess für mich alles
Mieh als ich mir je erhoff
Loss mich bloß nit irj'ndwann falle
Jo, ich liebe dich. Jetz schloof