Arsch huh, Zäng ussenander
Do mähst et Fröhstöcksfernsehen ahn
Un - selvsverständlich wie die Wetterkaat -
Kütt unger "ferner liefen", wo 'se wievill Asylante plattjemaat
Na klar, dä Mob hätt widder randaliert, dä Bürger applaudiert:
"Die Kanake sinn ald umquartiert, die Naach hätt sich rentiert."
Do jehs ding Brühtsche holle, su wie jeden Morje waatste ahn dä Thek
Dö löht 'ne Typ em Blaumann Sprüch aff, bei dänne et dir nur kotzschlääsch weed
Du denks: "Nur eruss he. Wat ess bloß passiert, dat kein Sau reagiert?
Wiesu ess ei janz Land ahm Kusche, als wöör et paralysiert?"
Wie wöör et, wenn do dämm "Blaumann" jetz sähs
Dat do Rassistenspröch janit verträächs?
Wenn dö'n vüür dä Lück blamiers, endämm do'n einfach opläufe löhß?
Un övverhaup: Wemmer selver jet däät
Wemmer dä Zäng ens ussenander kräät
Wenn mir dä Arsch nit huhkrieje
Ess et eines Daachs zo spät
Woors do dat nit, dä singem Vatter nie et Stillhaale verzeije kunnt
Weil dä sich domohls arrangiert hat bess hä schließlich vüür dä Trümmere stund?
Wie wöör't, wenn do ding Ideale langsam ens verträttte dääts
Oder willste em Ähnz drop waade, dat dat irjendeiner für dich mäht?
Wie wöör et, wemmer selver jet däät
Wemmer dä Zäng ens ussenander kräät
Wenn mir dä Arsch nit huhkrieje
Ess et eines Daachs zo spät
Wie wöör et, wemmer selver jet däät
Wemmer dä Zäng ens ussenander kräät
Wenn mir dä Arsch nit huhkrieje
Ess et eines Daachs zo spät
Dä Schoß ess fruchtbar noch, uss dämm die Nazibrut russkroch
Jetz jillt et: Arsch huh, Zäng ussenander! Jetz, nit nähxte Woch!
Wie wöör et, wemmer selver jet däät
Wemmer dä Zäng ens ussenander kräät
Wenn mir dä Arsch nit huhkrieje
Ess et eines Daachs zo spät
Wie wöör et, wemmer selver jet däät
Wemmer dä Zäng ens ussenander kräät
Wenn mir dä Arsch nit huhkrieje
Ess et eines Daachs zo spät