Sos ojos de sa jana

Bentu in sa cara mia
Sa vacantzia est colende
E unu sero sa majia:
Duos delfinos gioghende
In cue si perdet s'ammentu meu
Frale che sos ojos tuos
Sos ojos de una jana

Su frammentu de un'istiu
Deo pitzinnu in sa nae
Est sentidu ancora biu
Iscurtende su mare
Affunda' in cue s'ammentu meu
Prufundu che sos ojos tuos
Sos ojos de una jana

Sa tirantella est trazende
Su nuscu ‘e su sale
Nois frimmos asie…
...in sa notte
Sos ojos de una jana

Abbaidende duos delfinos
Chi sun fiamorende liados asie...
...in sa notte
Sa dansa de sa jana