Awaaz Unchi Kijiye

Awaaz unchi kijiye
Hum bhaav vyakt karne ja rahe
Jagate sote ko hum
Thak ke choor ko sula rahe
Hawa mein hi suroor hai
Maikhane sookhe ja rahe
Jaha pe dard aapko
Wahi pe chhoote ja rahe
Ambaar geeto ke
Hum bheed mein se kho gaye
Hum rapper bulbulon se
Kab aaye aur kab gaye
Dikha du chehra asli
Mask pehne thak gaye
Rehte fashion mein hai kaafi
Kapde saare fatt gaye
Par koi naa
Maa kare silai sil degi phate ye khwaab
Dar ko pi ke hum pacha gaye
Daba ni sakte aap
Meri iksha gayi jo neend mein
Jaga ni sakte aap
Main ni lene aaya bhiksha
Par bhaga ni sakte aap
Mishra hai magan jo aaj
To phir bachche bhi magan
Ye bas laate hai content
Koi na karta hai srajan
Inke hai bade agent to hi
Scene mein tashan
Koi jagah nahi vacant
Rozgaar ki kasam
Roz hi
Geet sun ne milta koi lapad chapad sa
Hoti hai chamak dhamak
Aur dukh ke kisson ka hai tadka
Mujhko sunne wale OG
Kam bhale hoti hai charcha
Main ni chhodunga maidan
Mera chalta ispe kharcha
Main to kholta hu aankh
Ye saare kaan tere bharte
Lad paduga main kisi se
Meri baanyi aankh phadke
Aksharo se atkalein laga mat
Sun tu gaur karke
Likhte chaand kagazon pe
Aur zuban se bhor karte
Ladte-ladte aaram se jau shikhar pe
Maza hai raaste ka
Jaldi jaake kya hi karte
Ye neela aasmaan
Neeli meri syahi chamke
Main kagazon pe sair karke aaya
Wapas ghar pe.
Awaaz Unchi Kijiye
Awaaz Unchi Kijiye
Awaaz Unchi Kijiye
Awaaz Unchi Kijiye
Awaaz Unchi Kijiye
Awaaz Unchi Kijiye
Awaaz Unchi Kijiye
Awaaz Unchi Kijiye