Hoe Kan Dat Da
Ik heb 't al zoelang, ik begriep 't neet
Gen idee wurrum, woaran 't leet
Ik heb de latste tied 'n raar humeur
Ik zij in elke daag 'n nijje kleur
Ik zij in elke meid 'n moeie vrouw
Ik denk al dagelang: ‘hoe kan dat nou?’
Okee, 't hof neet altied herfst te zien
‘t hof neet altied somber en allien
Ik wil neet altied grieze, grauwe lucht
Beslage rame en op de vlucht
Ik haj inens goj zin, 't gebeurt ni gauw
Ik denk al dagelang: ‘hoe kan dat nou?’
Ik haj 't miestal an 't end van enne moeie daag
Als de winter als 'n deake oaver Limburg laag
Of 't onwear dat blieft hange an de andere kant
Op 'n plein onder de beum in 'n ander land
Midde in de nacht, dan weer oaverdaag
Als enne donderslaag, ach hoe kan dat nou?
Of deep in bed mit 'n werme kroek
De ierste zon op miene boek
Dit geveul waas ik al zolang kwiet
Ik wet ni hoe dit werkt, hoe of dit giet
En d'n ochtenddauw brengt lucht zo blauw
Ik denk al dagelang: ‘hoe kan dat nou?’