Rosa Rosa
[Testo di "Rosa Rosa"]
Furria furria furria
Pi strati chini 'i suli
Pi vui fimmini beddi
Ca dintra v'ammucciati
Ma è sulu pi rispettu
E no pi veru amuri
Di l'omini ca sunnu
Ca sunnu tantu 'ngrati
Vinnennu spagnuletti
La cipria e lu shampò
Augli e irritali
Poron poron pon pon
E centu e centu così
Vannia di cca e di dda
'Nta 'sta valiggi nica
'Sta merci nun cci sta
Dicia dicia dicia
Accattami 'na cosa
E tristi mi talia
Vossia nun è 'na rosa
E 'st'omu ca tiniti
Vi teni cunnannata
E mancu sidicianni
Dû patri maritata
Oh Rosa Rosa tu
Pirchì nun ti nni vai
Oh Rosa Rosa tu
Tu ca nun parli mai
Oh Rosa Rosa tu
Sì sula 'ntô duluri
Si nun t'aiuti tu
Pirchì preghi 'u Signuri
Chiuvia chiuvia chiuvia
E iu vosi partiri
Lassari lu paisi
È cosa di mpazziri
Cci haju sempri 'nta l'aricchi
Zoccu mi dicia
È caru chiddu beni
Ca dopu 'u mali veni
Vinnennu spagnuletti
La cipria lu shampo
L'augli e irritali
Poron poron pon pon
E centu e centu così
Vannia di cca e di dda
'Nta 'sta valiggi nica
'Sta merci nun ci sta
Oh Rosa Rosa tu
Pirchì nun ti nni vai
Oh rosa rosa tu
Tu ca nun parli mai
Oh Rosa Rosa tu
Sì sula 'ntô duluri
Si nun t'aiuti tu
Nuddu ti po aiutari
Furria furria furria
Furria furria furria
Furria furria furria