Staan Saam

Appel jy is lankal al ‘n Bloubul
As jy jou mond oopmaak begin die girls gil
Jy het lankal al bewys jy kan ‘n song sing
Jy kan ‘n nasie sommer so bymekaar bring

Jy het al die regte songs vir ‘n lekker bokjol
As jy eers begin sing raak die glase sommer vol
Maar een ding moet jy weet jy moet dit altyd onthou
Die sonsak is oranje al is die lug dalk blou

Robbie jy is braaf jy’t ‘n ding begin
Jy’s soos die Dry Lemon ek is die gin
Jy dink jy kan kom met jou bal tussen jou bene
My kom vertel met jou hande op die stene

Dat ‘n Cheetah kan staan teen ‘n Bloubulman
Miskien in Egipte of dalk in Japan
Maar hier in die suide is die Bloubul baas
So hou maar by jou leeu of jou hoender of jou haas

Staan saam staan saam
Staan saam staan saam
As die Bulle hulle koppe neerlê en die Cheetahs in die aand gaan stil lê
Trek die manne die groen trui aan

Robbie my pel jy moet mooi verstaan
Agter die Bulle sal ek altyd staan
Jy kan kom met jou redes hoekom ek moet stop
Kom probeer my oortuig ek stick jou vir ‘n dop

Maar moenie my pla met ‘n storie van ‘n Bul
Of ‘n Cheetah wat grom of ‘n Leeu wat brul
Vertel my oor die Bulle wat die beker weer vat
En ‘n Cheetah verneder soos ‘n ou huiskat

Appel ek is moeg met jou gestry
Jy is ‘n Bul ek sal ‘n Cheetah bly
Ek vra jou mooi kom ons settle hierdie ding
Laat ek en jy dieselfde song kan sing

Speel die bulle teen die Cheetahs aan elk alleen
Hy skree vir sy span in murg in been
Maar trek die Bulle of die Cheetahs die groentrui aan
Staan ek en jy soos een man saam

Staan saam staan saam
Staan saam staan saam
As die Bulle hulle koppe neerlê en die Cheetahs in die aand gaan stil lê
Trek die manne die groen trui aan

Robbie ek verstaan dat jy saam wil sing
Maar kom ek verduidelik hierdie Bloubul ding
Ek is al ‘n Bloubul van kunsbeen af het as laatjie voor die Bulle al uitgedraf

Bygestaan as die Bokke die Volkslied sing
Saam die manne gestaan in ‘n kring
En nou wil jy vir my vra wat ek van saamstaan weet
Wat jy nog moet leer het ek al vergeet

Appel ek stem saam jy’t die bul gehelp
Om te kom waar hy is die baas van die veld
Maar kom terg net die Cheetahs in Bloemfontein
Bring vir Pollard en vir Ruan en vir Morne Steyn

Want die Cheetahs is honger vir ‘n Bloubul steak
So sê vir die manne hulle moet wyd kyk
Want as ‘n Cheetah eers ‘n reuk in die neusgat vang
Begin ‘n Bul klaar na sy ma verlang

So Appel kom ons sê in die Bok se naam
Staan ek en jy
Vir oulaas saam

Staan saam staan saam
Staan saam staan saam
As die Bulle hulle koppe neerlê en die Cheetahs in die aand gaan stil lê
Trek die manne die groen trui aan

Staan saam staan saam
Staan saam staan saam
As die Bulle hulle koppe neerlê en die Cheetahs in die aand gaan stil lê
Trek die manne die groen trui aan

As die Bulle hulle koppe neerlê en die Cheetahs in die aand gaan stil lê
Trek die manne die groen trui aan