ماني مصدق
Turki Al Sheekh
ماني مصدق إن قلبك خانني
لا جات على بالي ولا توقعتها
يمكنها صحوة من الله جاتني
وأشوفها بالفعل جات في وقتها
جربت نسيانك وربي عانني
لين إستراحت نفسي اللي أوجعتها
ومادامك إخترت الفراق ودامني
لك حافظ عشرتك ولا خنتها
أقول ع اللي يصيبك اللي صابني
وتذوق من طعناتك اللي ذقتها
حتى يضيمك وقتك اللي ضامني
وتعيش نفس الحاله اللي عشتها
ماني مصدق إن قلبك خانني
لا جات على بالي ولا توقعتها
يمكنها صحوة من الله جاتني
وأشوفها بالفعل جات في وقتها
وما أطرد ورى المقفي ولا من باعني
لك كنت نعمه بس ما قدرتها
و إن فاتك قطار العمر ما فاتني
حتى لو أشيائي الجميله خذتها
المسألة أكبر كثير إن كانني
على حسب قسوتك أنا حسبتها
حتى ولو شوقي لدربك جابني
ينبيك عن حزن الأماكن صمتها
ماني مصدق إن قلبك خانني
لا جت على بالي ولا توقعتها
يمكنها صحوة من الله جاتني
وأشوفها بالفعل جات في وقتها