الغربه
ويلي من الغربة يا با ويلي
ويلي، ويلي، ويلي، ويلي، ويلي، ويلي، ويلي، ويلي، ويلي، ويلي، ويلي
بعد سنين في الغربة شافوني قالوا لي جايب إيه من برة
قولت ياريتهم لو سألوني أنا في الغربة بكيت كام مرة
جبت حاجات من اللي يحبوها
جبت فلوس وياريت ياخذوها
ويردوا لي شباب ضاع مني وسنين مت وهما عاشوها
على إيه بس يا ناس حاسدني
وأشقى مافيكم أسعد مني
إنتم عشتم أحلى سنينكم وأنا في الغربة ماعشتش سني
أنا الكبير قبل أواني
وبختي للغربة رماني
خذوا مني كل اللي جمعتوا وأرجع صغير من ثاني
أنا راح عمري آلم ودموع
أنا قضيتها سفر ورجوع
وإن فكرت أضحك من قلبي قلب الغربة يقول ممنوع
إتحملت يا ناس فوق طاقتي
واتغربت في عز برأتي
كتبوا لكل الناس عنوانها وأنا كتبوا لي غريب في بطاقتي
ثمن الغربة دفعته بدمي
بسنين فيها بعيد عم أمي
وأما نويت أرجع علشانها رحلت لأجل تزود همي
مين في الغربة يا ناس مبسوط
مين على راحته مش مضغوط
مين أتحدى يقول مش خايف إنه بعيد عن بلده يموت
يا اللي بتسعى عشان تتغرب
خذها نصيحة وإوعى تجرب
كلها بدوقة في بلدك وإوعى من مشاوير الغربة تقرب