Landed
Intro:
ugh, yeah
alam nyo na kung sino to
alam na din kung san nanggaling hehe
pero di ko alam kung alam nyo talaga yung tunay na kwento ko
kung pano ko nilaban, kung pano hinanap
kung pano ko nakuha yung mga pangarap na nasa kanta ko lang dati
kaya ngayon pwede mo ng pakinggan tara
1.
may sagot na sa tanong kung anong napala?
kaya kitang kita na din kung san ako nadala
pero umpisa pa lang, lahat yan ay patikim
nailawan sa wakas, yung mundo kong madilim
buti na lang dumiin, ramdam ko na yung balik
pagdating sa dulo sinalubong ng halik
manamis namis, lahat ngayon saken nakikinig
dati nasa sulok lang, gutom nanginginig
isang noodles hati kameng tatlong magkakapatid
tapos si mama tubig lang sa gutom nya papatid
'di na yan mararanasan ng aking mga anak
hanggang magka-apo pa yung aking mga anak
kaya gumagalaw pa rin, lalong dadagdagan
pupuntos pa rin ako, tuloy dadakdakan
ito na yung buhay na dati ko lang napanuod
salamat kung sa kwento ko, ika'y nakasunod
Chorus: (Rhyne)
Buti nalang hindi ako nainip nainip
Diko tinigilan hanggang sa makuha
Alam kong merong kapalit kapalit
Ang paghihirap ko’t kada patak ng luha
Kung sansan lumapalop umabot
Mapasaan ma’y hindi natakot
Kakaiba din ang dinulot
Nagbunga na kaya hinahakot
2.
daming kabiguan, yan sa akin bumuo
kaya nalaman ko din sino sakin totoo
kung sino man yung tunay, edi yun lang yung natira
makakasama kung saan ako nakatira
buti na lang talaga, natuklasan ang halaga
dami ko ding pagod, sadyang di lang halata
dating di pinapatulog din ng mga bayarin
ako lang din tumapos, ako lang din salarin
balik tanaw, hirap talaga na makagalaw
pero imposible din talaga na mapa-ayaw
alam ko na dati pa lang aking destinasyon
basta pupuntahan kagad, wala ng eksplinasyon
iba pala salubong basta pinaghandaan
para sa kinabukasan ko, pinatag ang daan
bawat natutunan talagang pinaka-tandaan
saradong pintuan ngayon pinaka-tadyakan
Out:
nakabisado lang din talaga pasikot-sikot
nagsawa lang din sa sistema na paikot-ikot
ngayon palibot-libot, di na nag-aalala
patunay lang meron na talagang napapala