Tibbie Fowler / Breton Dance Tune

[Verse 1]
Tibbie Fowler o the glen
Thare's ower mony wooin at her
Tibbie Fowler o the glen
Thare's ower mony wooin at her
Ten cam east and ten cam west
And ten cam sailin ower the watter
Twa cam doun yon lang dyke side
Thare's ower mony wooin at her

[Chorus]
Wooin at her, pouin at her
Wantin her, canna get her
Silly elf, it's for her pelf
Aw the lads are wooin at her

[Verse 2]
Seven but, aye, sevеn ben
And seven in thе pantry wi her
Twenty heid aroon' the door
Thare's ower mony wooin at her
She's got pendles in her lugs
Aye, cockle shells would set her better
High-heeled sheen wi siller tags
And aw the lads are wooin at her

[Chorus]
Wooin at her, pouin at her
Wantin her, canna get her
Silly elf, it's for her pelf
Aw the lads are wooin at her

[Verse 3]
Be a lassie e'er sae black
O, gin she hid the penny siller
Set her up on Tintock Tap
The wind will blaw a mannie til her
Be a lassie e'er sae fair
O, gin she hid the penny siller
A flea would fell her in the air
Afore a man was even til her

[Chorus]
Wooin at her, pouin at her
Wantin her, canna get her
Silly elf, it's for her pelf
Aw the lads are wooin at her

[Verse 4]
Tibbie Fowler o the glen
Thare's ower mony wooin at her
Tibbie Fowler o the glen
Thare's ower mony wooin at her

[Chorus]
Wooin at her, pouin at her
Wantin her, canna get her
Silly elf, it's for her pelf
Aw the lads are wooin at her