ملطشة القلوب
على فين العزم إن شاء الله
وإيه اللي قطع لك نومة
ده لولاش الستر من الله
مكانتش قامت لك قومة
لسه لك عين تذوب
ما انتاش عايز تتوب
إيه لسه لك عين تذوب
ما انتاش عايز تتوب
ده البر ماهوش أمان
والعشق مالوش ضمان
ده رهان على حذف طوب
ونشانك سهمه خايب
يا ملطشة القلوب
يا جلاب المصايب
هتقولي إيه هُس يجيك أوا
دخلك منين سرسوب الهوى
هتروح يومين وتجي لي جريح
تقول لي دبَّر حق الدواء
إيه هتقولي إيه هُس يجيك أوا
دخلك منين سرسوب الهوى
هتروح يومين وتجي لي جريح
تقول لي دبَّر حق الدواء
دواك فضّى الجيوب
(وخلى الناس تعايب (ياه
يا ملطشة القلوب
يا جلاب المصايب
مش كنا قلنا مفيش من كَذا
فُتنا الغرام ونصبنا العزاء
رجعت ثاني في عهدك ليه
هي القلوب كاييفة أذى
مش كنا قلنا مفيش من كَذا
فُتنا الغرام ونصبنا العزاء
رجعت ثاني في عهدك ليه
هي القلوب كاييفة أذى
ده الكذب أبو العيوب
يا مُهر وحبله سايب
يا ملطشة القلوب
يا جلاب المصايب
لسه لك عين تذوب
ما انتاش عايز تتوب
إيه لسه لك عين تذوب
ما انتاش عايز تتوب
ده البر ماهوش أمان
والعشق مالوش ضمان
ده رهان على حذف طوب
ونشانك سهمه خايب
يا ملطشة القلوب
يا جلاب المصايب