คึดฮอดจนฝันเห็น

คึดนำตลอด คึดฮอดอ้ายจนฝันเห็น
สุขหรือลำเค็ญเป็นจังได๋ใจอ้ายห่วงหา
ความจนเข็ญใจบีบให้สองเราห่างลา
อ่านคำสัญญาหลังภาพเฝ้านับวันคอย

ตระเวนค่ำคล้อยใจลอยห่วงเจ้าบ่หาย
อ่านคำในใจว่าฮักหลายตามลมวอยวอย
โทรฟังสำเนียงเลี้ยงใจให้มีแรงคอย
หวั่นความเลื่อนลอยจะคอยทำเราเลือนลา

คึดฮอดดวงหน้าค่ำมาหลับตาฝันเห็น
แค่ตาสะเม็นก็ใจเต้นคึดไปนานา
ย่านเจ้ามีใหม่อยู่ไกลบังใจบังตา
ย่านคำสัญญาถูกคนใกล้ชิดติดใจ

คึดนำตลอด คึดฮอดเจ้าจนฝันเห็น
ฮักไผบ่เป็นถึงห่างเว้นมานานเท่าใด
สร้างตัวช่วยกันรอวันที่สัญญาไว้
สิพาหัวใจกลับไปหาคนคึดฮอด

คึดนำตลอด คึดฮอดเจ้าจนฝันเห็น
ฮักไผบ่เป็นถึงห่างเว้นมานานเท่าใด
สร้างตัวช่วยกันรอวันที่สัญญาไว้
สิพาหัวใจกลับไปหาคนคึดฮอด