حد من جيلك
Mohamad Shahatta, Sameh Faraj
سرحت في يوم وأنا ماشي
سرقني الوقت عدى سنين
بروح من ناس لناس ثانيين
فرص بتضيع وبالملايين سنين بتروح
وناس بتغيب تسيب ذكرى
ده حتى وهي عايشة بعيد
معوضهمش حد جديد
ولسه الذكرى عايشة أكيد ومش بتروح
فاضل لك حد من جيلك
فاضل لك حد بيجي لك
دي خلصت كل مناديلك في دمع العين
فاضل لك حاجة حبيتها
فاضل لك ضحكة خبيتها
مفيش غير غنوة حسيتها لناس غايبين
مشاهد ماشية قدامي لأسرع فيلم مش مفهوم
بطل أحداثه عاش مظلوم
حقيقة الناس داريتها هدوم سيناريو كبير
دي لحظة حب وحشاني
وضحك بجد مش تمثيل
وراحة بال في نومة ليل
وإحساس ضاع ولسه جميل وكل ده خير
فاضل لك حد من جيلك
فاضل لك حد بيجي لك
دي خلصت كل مناديلك في دمع العين
فاضل لك حاجة حبيتها
فاضل لك ضحكة خبيتها
مفيش غير غنوة حسيتها لناس غايبين