14 HK Rap Up (Radio Edit)
馬米仲未死得 係度 say 個 wassup
咁又一年 我梗係知你哋最想聽乜
好多人都唔鍾意聽 rap 但鍾意聽 rap up
所以每一年都必須要聽 rap up 乜乜乜
譚玉瑛姐姐係兒童節目界代表
祝你以後青春常駐 We will be missing you
坎坷人生趙頌茹諗住嫁個好男人
點知最後會成為家暴受害人
成龍係中共禁毒宣傳形象大使
但係仔仔房祖名同柯震東竟然涉毒出事
Coffee 係 IFC 殘廁同富二代 gathering
呢個 gathering 嘅地點都夠曬新穎
大導演彭順有李心潔都仲偷食
Liddy 呢個名自此無人不識
相逢何必曾燒衣一夜洗版
期待蔣志光復出可以拯救樂壇
舊年唔只興 K-Pop 仲興 MK Pop
主打登錄太陽唔知以為簽咗太陽娛樂
仲有一首 Stop Peeping 唱到街知巷聞
你問我我話 Stop Rapping 係我嘅 comment
今年阿 GEM 直頭係風頭躉
不停飆高音所以佢攞亞軍
謝霆鋒王菲 11 年後世紀復合
證明有緣假以時日始終會失而復得
Ice Bucket Challenge 搞到潮流興淋冰
為肌肉萎縮症做善事全城和應
WhatsApp 新功能雙藍剔
男朋友再無得扮未睇女朋友信息
巴西世界杯你有無買中德國係拎冠軍
我就對巴西被人炒6 粒印象係最深
千六隻紙熊貓到港希望大家支持環保
但係大家影完相之後當乜事都無
啟晴邨槍擊案嘅殺人兇手
奇情到竟然係彭順小三 Liddy 老豆
虐待印傭 ERWIANA 咁陰騭
涉案羅允彤好眉好貌生沙蝨
許士仁衰貪心高官變階下囚
七年半刑期臨老先有排受
上海福喜食品將過期肉加工
麥當勞講大話呃市民話佢哋無用
馬尼拉人質事件總算到此為止
菲政府願意對失職人仕懲治並表達歉意
兩億解款車平安夜壞門跌五千萬
以為天降橫財成班人諗住執完唔使還
馬航客機 MH370 飛行途中失蹤
至今仍然沒人搵到佢確實嘅行蹤
梁特首講到自己為人民服務
但係點解除咗公職竟然係 UGL 有秘撈
港鐵殘忍車死唐狗惹眾怒
呢舖你出幾多煽情廣告都兜唔到
港鐵成日加價話機制可加可減
可惜延誤故障次數有加無減
今年訪港人數再創新高嘅自由行
係帶旺消費指數但影響民生
特首一句未富先驕先過份
講到無咗自由行香港地就會冧
內地遊客竟然搞到遍地黃金
但蘇錦樑竟然叫港人要有包容之心
港視申請免費電視牌照失敗咗
不過轉型做網絡電視終於啟播
亞視玩到有兩個月糧都出唔到
難怪新聞直播中途主播會無稿
明報突然將總編輯換人
擺明想干預新聞報導編採方針
劉進圖遇襲掀起軒然大波
新聞界怒吼 They can’t kill us all
I do it for the people
I do it for the culture
I do it for Hip Hop
一片晴空仍然佈滿黑雲
一街聲音照舊不聞不問
黃皮膚黃絲帶黃種人
守護緊呢片最後自由重鎮
係螢光幕上重溫睇住你再三重申
重新諗咩叫本是同根
同根生但點解無同情心
經過咁多清晨遙望獅子山精神
喚醒更多靈魂發出聲音
年輕人一夜之間長大成人
身邊唔理平民定名人
紛紛站起爭取自己嘅命運
我哋舉起象徵平和嘅雙臂
要求只係最基本嘅權利
真實我知從來係唔完美
普世價值應該係普世專利
選擇點解都仲要分尊卑
毋寧死直至到我斷氣
忘記唔到催淚嘅攻鼻
初次體會積累嘅勇氣
衷心問點解要敵視到如斯田地
一對對天真爛漫嘅眼
望住打開晴天下嘅雨傘
象徵我哋嘅期盼
期盼有日高牆會被推翻
期盼有日戰勝嘅係雞蛋
We do it for the culture.
We do it for our home.
And we will be back
We will be back
We will be back