قصر الشوق

صوتك وجهك عطرك شعرك لمسة إيدك عم تنده لي
شايف فيكي أم ولادي شامم ريحة أرضي وأهلي
عارف خلف البحر الأزرق لما الشمس تموت بتخلق
عارف إنك عمري اللي جاي لما الماضي ببحرك يغرق
بقول بحبك قلبي بيكبر وسع الكون ويرجع أصغر
عمر فوق الرمل الذايب قصر الشوق اللي ما بيتعم
بحلم فيكي وعم بتأمل يكبر مرة الحلم ويكمل
عمر بيتي ع إيديك بيت صغير يصير الأجمل

شو مشتاق لبيت صغير وإنت تحبيني مش أكثر
وشبابيك الألفة تضوي وبواب الحيرة تتسكر
دقة قلبك ترسم قلبي عمرك عمري ودربك دربي
مشتاق لوجهك يحميني، يحميني من وجوه الكذبة
بقول بحبك قلبي بيكبر وسع الكون ويرجع أصغر
عمر فوق الرمل الذايب قصر الشوق اللي ما بيتعم
بحلم فيكي وعم بتأمل يكبر مرة الحلم ويكمل
عمر بيتي ع إيديك بيت صغير يصير الأجمل