May Laya [Theme from "Indio"]

Hangin halina upang tumawid
Ako't irog ko sa himpapawid (sa himpapawid sa himpapawid)
Ibig ko munang iwanan ang putik
Upang sumakay saglit sa langit

Magsusumbong din kami sa laot
Tungkol sa dayong biglang nanakop
Baka sa sulok ng mga sulok
Matagpuan ko ang aming Diyos

Mahal alaga
Mahalagang maging may malaya
Maging diwata
Mahal alaga
Mahalagang maging may malaya
Maging diwata

Bakit ang lupa ay dapat kunin
Mula sa amin ng kanluranin (ng kanluranin ng kanluranin)
'Di pa ba sapat ang pakainin
At painumin ng dugo namin

Kailangan bang ibuwis ang buhay
Akala ko ba wagas ang pakay
Ano at tangay ang kayamanang
Likas at likha ng kapwa mortal

Mahal alaga
Mahalagang maging may malaya
Maging timawa
Mahal alaga
Mahalagang maging may malaya
Maging timawa

O kalayaan na pag-aari
'Di kami payag mawala muli (mawala muli mawala muli)
Mula sa hari't reyna kunwari
Pipilitin kong ika'y mabawi

Bunso't panganay samahan ako
Iyong saksihan ang pagbabago
Handog namin ito ng inay mo
Para sayo para sayo

Mahal alaga
Mahalagang maging may malaya
Maging malaya
Mahal alaga
Mahalagang maging may malaya
Maging malaya

Malaya