Ijinkan Sa Berjuang

Bertahun tahun sa deng ko hilang kabar
Tak ada berita
Bertahun sa deng ko hilang suara
Karena tong dua su ada yang punya

Pernah sekali sacoba dekat kembali
Tapi ko masih deng dia
Disitu sa berpikir kalo sa pung jodoh
Tu memang bukan dengan ko

Tiba tiba ko datang kembali
Cerita tentang kisah ko deng dia
Ko bilang
Ko deng dia sudah berakhir

Ko cerita ko punya luka deng dia
Di depan orang yang berharap ko kembali
Trapapa semoga sa yang bisa bikin ko senyum lagi

Bukannya sa bergegas, tapi ni rasa benar benar ada
Ko bilang sa memaksa karna sa su simpan su terlalu lama
Sa tau ko belum bisa
Sembuh dar semua ko pung luka lama

Kasi sa kesempatan sa janji akan bikin ko bahagia
Biarlah sa berjuang, sekalipun sa pung hati harus kuat
Sembuhkan ko dari ko pung luka lama
Walau kadang sa sendiri yang terluka

Berkali kali sacoba dekat kembali
Tapi ko masi deng dia
Disitu sa berpikir sa pung jodoh
Tu memang bukan dengan ko