Iđitveiggodettin
Go iđitbeaivváš jearai gosa
ledjet manname
ledjet go don duođaid gearggus
suinna vuolgit de
Su gihtti dohppejit
gáhtameahttumin
Mun jerren iđitbeaivvážis
jus mu ge vieččašii
Mun jerren manin dušše
válddi du ja guđii mu
Ii vástidan ge
sealggi jorgalii
Don botkejit visot báttiid eatnamii
Lean áiccardeaddjiid čalmmiid ovdii
čábbát čirssuhan.
Lean heavdnefierpmi helmmuid siste
balus rávjjastan
go neončuovggain
gokčujin girdnui fas.
Dál veaikebittuid nuoladan ja
ruovdečázehiid
Dál čoavddan ladjovuoddagiid ja
rustton bárggežiid
Lean geaidohuvvon
girdnus fieradan
Lea áigi beaivvážiin fas gávnnadit
Nubbi sounjar olle botnái
nubbi jáddada
Ja iđitbeaivváš lohká
In leat geange Ipmil šat
Jus ijamánát
moskui beaidadit
Ii leat mu duohkin sin de čuvgehit
Ii leat mu duohkin sin de bissehit