Ir Ysebahn

Ir Ysebahn sitze die Einte ä so
Dassi alles was chunt scho zum Vorruss gseh cho
Und dr Rügge zue cheere dr Richtig vo wo
Dr Zug chunnt

Die Andre die sitze im Bank wisawi
Dassi lang no chöi gseh, wo dr Zug scho isch gsi
Und dr Rügge zue cheere dr Richtig wo hi
Dr Zug fahrt

Itz schtellet nech vor, jede bhouptet eifach
So win ärs gseht, sigs richtig und scho heisi Krach
Si gäbe enander mit Schirme ufds Dach
Dr Zug fahrt

Und ou wenn dr Kondüktör itze no chunnt
So geit dr däm Sachverhalt nid ufe Grund
Är seit nume was für ne Ortschaft itz chunnt –
Sisch Rorschach!