N.79 - ISTITUTO MARINO (Via ortopedico)
Alberto Scotti, Cinzia La Fauci
Cu 'stu suli si mori
Spiramu cu ventu ni fa rifriscari;
E 'u mari è ' cca reti
'U sentu puru si 'cca sutta no vidu
E 'u ciauru e i vuci
Da genti chi vidu passari
'Ca nfacci 'nta strada
Ne sentu parrari
E stu suli si movi
Mi succuta e gira
Supra a me strada
Pi tutta a jiunnata
Pare antura chi brisciu
E mancu 'u tempu d' annari a manciari
Chi scurau
E 'u jonnu finiu
'Sta canzuni parra d' un figghiolu musicista
N' artista chi fa 'u manovale
E si pigghia st' autobussu
E saria beddu
Fari u sunaturi
Si li strumenti
Non s' avissiro accattari
Saria beddu 'stu mari
Si ci putissimu annari
Saria 'cchiu beddu stu mari
Si ni putissimu cantari