So Yu Ben Taigi Mi

[Verse 1:]
Ongoloku noit’ e blaka lek’ alen
En obia a no fu yu, mi begi yu boi no go spit’ na ini
En ibri siri bon yu e syi dya ab’ en ten
Lek’ fa ala sipi musu abi wan kapten
No luku a doti fu sei kriki want da noiti yu no nyan
San no bun gi yu, no poti ini yu mati saka
Yu syi den ogri di yu du, wan dei kan drai kon baka
Yu mus’ begi Gado fu a sa wai den maka

[Refrein:]
So yu ben taigi mi mama, pe wi e libi dya, na fu wan ten
So yu ben taigi mi papa, begi Jah, aladei
So yu ben taigi mi mama, pe wi e libi dya, na fu wan ten
So yu ben taigi mi papa, begi Jah, aladei

[Verse 2:]
Denki na yu srefi na dati na mama fu krutu
En te yu no e lespeki nowan, nowan o lespeki yu
En tranga no e tya kaw go na pen
Lek fa mama noiti e tapu dede, a e tapu syen
Tantiri a no don, na wan dei fu Sabaku en wan dei fu Tyontyon
Te watra e bari efu a no udu, a musu fu de ston
Nyan dringi ma no gridi, te yu e go in yu grebi ala sani yu o libi dya

[Verse 3:]
Na leki Jona ini a fisi bere, David tegen Goliath
Frede nowan mi boi, ma yu mus boigi gi Jah
Bigi kankantri na aksi n’nyan
Sabi pe yu e go ma no fergiti pe yu e tan
Te mati kon na yu oso
Gi en n’nyan fu a nyan ma yu no musu puru yu bere gi en
Te yu e nyan nanga didibri, yu forku musu langa alaten
Bar’nen na fu wan ten, a lek’ fa wan dei son de en a tra dei alen

[Outro:]
Wasi un anu, da un kon nyan nanga mi
Wasi un anu, da un kon nyan nanga mi
Wasi un anu, da un kon nyan nanga mi
Wasi un anu, da un kon nyan nanga mi
No wan sani no nyun dya, no wan sani fostron
Sani di fala watra tya gwe dati frudu e tya kon
Kadaa mi na soso, sama a moi mo sama ya..

Kenny B

So Yu Ben Taigi Mi

Canzoni più popolari di Kenny B

Altri artisti di Reggae music