He Lei No Manoalani

Ma kahi e mōhala ai nā pua
'Eu a'ela 'o iala i ke kipa
A kau mālie maila i ka lihi
E pāna'i like a'e i ka momona

He wai meli ke 'ano o loko
He kui na'e ko pili koke mai
O Mānoalani

'A'ohe ona holo mālie
He hula le'a kona i ke ao
A 'auana hele i ka māla
Me nā 'ala e ho'olale mai nei

He wai meli ke 'ano o loko
He kui na'e ko pili koke mai
O Mānoalani

He lei 'a'ala ke aloha
No Mānoalani he inoa

He wai meli ke 'ano o loko
He kui na'e ko pili koke mai
O Mānoalani
O Mānoalani