Hier's Ons Almal Tesaam

Hier's ons almal tesaam
Net in vriendskap se naam
Met ons erns en luim
Met ons doen en versuim

Laat die sorge vir eers
Laat net vreugde hier heers
Want oor die rand van die glas
Lyk dit als nommerpas

In die nag veg 'n vuur
Teen die donkerste uur
Daar's nog tyd vir plesier
As die vlamme net duur

En kan ons lag, skerts en sing
En die onrus verdring
Want deur die glasie se steel
Lyk die wêreld weer heel

Hier's ons almal tesaam
Net in vriendskap se naam
En ons lag en gesels
Oor wat vreugde behels

Oor die rand van die glas
Lyk ons almal uit pas
En deur die glasie se steel
Lyk die wêreld verdeel

Oor die rand van die glas
Is ons almal uit pas
En deur die glasie se steel
Is die wêreld verdeel