Hier in My Hart

Ek sien jou in alles, voel jou naby my
En die storm is lank reeds verby
Maar ek dink weer aan alles en waar ons kon wees
En jou skaduwee dans rondom my, het my hart my weggelei?
As jy kon sou jy hier bly?

Want ek dra jou, dra jou hier in my hart
En ek mis jou by my, ek mis jou vanaand
En al maak dit seer, voel ek jou meer en meer
So dra ek jou hier in my hart

Soms in die donker hoor ek nog jou stem
Sal ek ooit weer die waarheid ontken?
Sal jy my vergewe al is dit te laat?
Daar's 'n lyn tussen liefde en haat, het my hart my weggelei?
As jy kon sou jy hier bly?

Want ek dra jou, dra jou hier in my hart
En ek mis jou by my, ek mis jou vanaand
En al maak dit seer, voel ek jou meer en meer
So dra ek jou hier in my hart

Was ek net te sterk en te trots om te sê?
Ek het jou verneuk en by iemand gaan lê
Maar dis jy wat ek wou hê

Hoe kon ek verwag dat jy by my sou bly?
Ek weet ek verdien nou die seer wat ek kry
Dis vir jou wat ek sal ly

Want ek dra jou, dra jou hier in my hart
En ek mis jou by my, ek mis jou vanaand
En al maak dit seer, voel ek jou meer en meer
So dra ek jou hier in my hart
Dra ek jou hier in my hart