Radio créole

Bais’ment dans la cour Patel y arrive souvent dis pas le contraire
Acout’ ton radio ta war
Va occup a twé juska à soir !

Untel la counich son ti fonm ek un ti carabin’ li la trafiké
L’aut’ tel la totoch son bonhomme
Ek un bouteille le rom li té vienn’ caler !

Zamants dans la cour Patel nana un bon peu dis pas le contraire
Mi vend à twé tout’ zistoir
Va occup a twé juska à soir !

Untel la trompé son madam
Ek un jeun’ ti pitin li la ramassé
L’aut’ tel la trompé son bonhomme ek un mal canard néna port’ monnaie !

Zescroc dans la cour Patel néna un bonpé di pa le contraire
Pengard’ sa ou mett le pied,
Ma raconte a twé kwé k’zot y fé

Untel la vend’ un loto nèv’ dans la cot’ moufia motèr la brulé
L’aut’tel y donne a ou travay mé pren gard si jamé ou sa pa voté

Moukat’ dans la cour Patel néna un bonpé di pas le contraire
Reusement sinon mi emmerde
Ocup zot ki c sat’ mi préfer

Untel la pou malparl’ a mwoin pou un zistoir le train mi rapel pas
L’aut’ tel néna rienk’ maloki pou un non pou un oui li arrêt’ pas

Bais’ment dans la cour Patel y arrive souvent dis pas le contraire
Acout’ ton radio ta war
Va occup a twé juska à soir !