ماما زمنها جاية
ماما زمانها جاية، جاية بعد شوية جايبة لعب وحاجات
جايبة معاها شنطة فيها وزة وبطة بتقول واك، واك، واك
عارف الواد اللي إسمه عادل جاب الدكتور وعمل له إيه
لقى رجليه كانوا زي الفتلة بص شوية جوة عينيه
راح مدي له حقنة كبيرة، عارف إدى له الحقنة ليه
ما بيشربش اللبن الصبح وكل اصحابه ضحكوا عليه
واهو من يومها شرب وبيكبر واتربى له عضل في إيديه
ماما زمانها جاية، جاية بعد شوية جايبة لعب وحاجات
جايبة معاها شنطة فيها وزة وبطة بتقول واك، واك، واك
وأحمد برضه إيده مربوطة ومامته عارف ليه مخاصماه
كان بيحب تملي يلعب بالكبريت ويشيله معاه
وفي يوم جاب كم عود ولعهم، وأخته بوسي كانت شايفاه
راحت النار ملهلبة إيده ولسه إيديه الإثنين وجعاه
واهو من يومها لا بيتعفرت ولا بيشيل كبريت وياه
ماما زمانها جاية، جاية بعد شوية جايبة لعب وحاجات
جايبة معاها شنطة فيها وزة وبطة بتقول واك، واك، واك
وسعاد أبلة زعلت منها خالص، خالص من شهرين
ما بتحفظش الدرس وتكتب وكمان ضاع منها كتابين
وبتتشاقى جوة الفصل، وكان ترتيبها العشرين
لما ذاكرت وبقت حلوة الأبلة خذتها مع الشاطرين
جات شهادتها آخر مرة وكانت الأولى من ثلاثين
ماما زمانها جاية، جاية بعد شوية جايبة لعب وحاجات
جايبة معاها شنطة فيها وزة وبطة بتقول واك، واك، واك