الجارسون
الله، الله
مريض بيسأل طبيبه ليه الدواء مر
قال له الشفاء في المر بس الداء أمر
قال له المريض، أنا دائي بعاشر الأندال
قام قال له سهلة وبسيطة عتاب الندل اجتنابه وبلاها مشي شمال
يا جارسون، يا جارسون
هات كاسين في صحة العقل اللي غاب
للأهات والجروح وظلمي من كل الصحاب
في صحة الناس العزاز اللي بسببهم عقلي باظ
بلاش تحدفنا بحجارة لو إنت بيتك من إزاز
في صحة العشرة اللي هانت، وناس كثير ع الأصل بانت
في صحة الندل اللي باعني وصحابي اللي قلوبها ماتت
خلاص عليكم أنا مش هسمي، هرمي الصحاب ورا ظهري هرمي
إبن الأصول شبعان بطبعه ويجي اللئيم يحرق لي دمي
يا جارسون، كأس كمان أنسى الأسامي أنسى المكان
يا جارسون، كأس كمان في صحة اللي مش جدعان
زود كمان و املا لي كاسي، يمكن أتوه وأنسى المأسي
ما تصب يا جارسون و زود يمكن ده يعجب كل ناسي
يا ريته كان كاسك بفايدة، جروحي مش بتقل زايدة
عمال تصب ولسه برضه، النار في قلبي بجد قايدة
هعمل معاد وأفتح مزاد، وأوقف بطولي يومين حداد
هعمل معاد وأفتح مزاد، وأوقف بطولي يومين حداد
وأدوس على الندل اللي باعني وأعالج النقص اللي زاد
يا جارسون
يا جارسون