BFTMÚ (borð fyrir tvo með úlfa)

[Verse 1: Thrilla GTHO]
Við horfum á list út frá ríkjandi viðhorfum
En ég færi allt úr skorðum með orðum
Formuð úr letri, hver öðrum betri
Ég eigna mér allt nema metið í leti

[Verse 2: Holy Hrafn]
Finnur mig með vampírum á sýru
Tónlistaspírum og pjattrófum með stýrur
Alæta, þú veist, þú veist
Borða allt nema copy og paste

[Chorus: Thrilla GTHO, Holy Hrafn]
Hungraður hugur, leitar að æti
Ég er úlfur, ég mæti og tæti
Brýt og bít, breyti og bæti
Smjatta og smjatta, afsakið lætin
Ég verð að skara frammúr
Ef ég ætla yfirleitt að verað fara frammúr
Ég verð að skara frammúr… Ég verð að skara frammúr

[Verse 3: Holy Hrafn]
Hvort ég bít’ af hendi eða beat afhendi
Þá er ég svona gerður af náttúrunnar hendi
Mídas, mýta, borða til að strita
Allt sem ég fókus’á er hnoða, leira, lita
Borða fleiri bita, þú veist, matarlyst, eða ekki
Því þau sem hafa ekki efn‘á list
Hafa ekki efni á smekki
Og ég er hungraður maður, maður
Smekksmaður, ekkert þvaður, blaður eða daður

[Verse 4: Thrilla GTHO]
Tungan fljót með tungubrjót til að bryðja
Orðasmiðja er mín uppáhalds Iðja
Engin þörf á að rökstyðja
En hungur í meira er mín sköpunargyðja

[Verse 5: Holy Hrafn]
Sköpunargyðjan holdi klædd gæsahúð
Úti er kalt, ætlar’út?
Sköpunargyðjan holdi klædd gæsahúð en
Úti er kalt, ætlar’út?

[Verse 6: Thrilla GTHO]
Ég er ímyndunarveikur, ennið er sveitt
Úff hvað þessum penna er heitt
Tjáningarþörfin svo sterk
Ég fæ hausverk, eftir hvert sköpunarverk

[Chorus: Thrilla GTHO, Holy Hrafn]
Hungraður hugur, leitar að æti
Ég er úlfur, ég mæti og tæti
Brýt og bít, breyti og bæti
Smjatta og smjatta, afsakið lætin
Ég verð að skara frammúr
Ef ég ætla yfirleitt að verað fara frammúr
Ég verð að skara frammúr… Ég verð að skara frammúr

[Verse 7: Thrilla GTHO]
Ég er varúlfur, nýti tungl til að yrkja
Þarf bara sirka fimm sólmyrkva
Til að safna mér í söfnuð eins og kirkja
Enginn vafi, þetta rímnaflæði virkar
Ég afkasta miklu á hverjum degi
Vinn gull úr því sem ég skrifa og segi
Ég tala hreint út með lygar í sviga
Og teikna upp sviðsmynd á stafræna striga

[Verse 8: Holy Hrafn]
Fer hvergi. Líður, einsog bergi
Lag, fyrir lag, fyrir lag, inn að mergi
Dag eftir dag, eftir dag. Eftir lag, eftir lag, eftir lag
Eftir lag. Nóg um það. Nótt og dag
Reyni, reyni, ekkert hægt að þvinga það
Ekkert leyni, leyni því ég er bara að winga það
Nótt og dag, ég er berdreyminn
Sem Fenrisúlfur mun ég háma í mig heiminn

[Verse 9: Thrilla GTHO]
Hugmyndir streyma í stöðugri röð
Djöfulsins kvöð, í vöggugjöf
Þetta er mér eðlislæg sköpunarhvöt
Skreyti myndflöt eins og plötur og föt
Ég er án allra hafta, með ofurkrafta
Í mörgu öðru en að kjafta