Zappatore

[Testo di "Zappatore"]

[Strofa 1]
Felicissima sera
A tutte 'sti signure 'ncruvattate
E a chesta cummitiva accussí allèra
D'uommene scicche e femmene pittate
Chesta è 'na festa 'e ballo
Tutte cu 'e fracchesciasse 'sti signure
E i', ca so' sciso 'a copp'ô sciaraballo
Senza cercà 'o permesso, abballo i' pure
Chi so'?
Che ve ne 'mporta
Aggio araputa 'a porta
E so' trasuto cca
Musica, musicante
Fatevi mórdo onore
Stasera, 'mmiez'a 'st'uommene aligante
Abballa un contadino zappatore

[Strofa 2]
No, signore avvocato
Sentite a mе, nun ve mettite scuorno
Io, pе' ve fá signore, aggio zappato
E sto' zappanno ancora, notte e ghiuorno
E so' dduje anne, dduje
Ca nun scrive 'nu rigo â casa mia
Si 'ossignuría se mette scuorno 'e nuje
Pur'i' mme metto scuorno 'e 'ossignurìa
Chi so'?
Dillo a 'sta gente
Ca i' songo 'nu parente
Ca nun 'o può caccià
Musica, musicante
Ca è bella ll'allerìa
I' mo ve cerco scusa a tuttuquante
Si abballo e chiagno dint'â casa mia

[Strofa 3]
Mamma toja se ne more
'O ssaje ca mamma toja more e te chiamma?
Meglio si te 'mparave zappatore
Ca 'o zappatore nun s' 'a scorda 'a mamma
Te chiamma ancora: "Gioja"
E, arravugliata dint'ô scialle niro
Dice: "Mo torna, core 'e mamma soja
Se vene a piglià ll'ùrdemo suspiro"
Chi so'?
Vuje mme guardate?
So' 'o pate, i' sóngo 'o pate
E nun mme po' caccià
So' 'nu fatecatóre
E magno pane e pane
Si zappo 'a terra, chesto te fa onore
Addenócchiate... e vàsame 'sti mmane!