Uocchie c’arraggiunate
Alfredo Falcone Fieni, Rodolfo Falvo
[Testo di "Uocchie c’arraggiunate"]
[Strofa 1]
'St'uocchie ca tiene, belle
Lucente cchiù d' 'e stelle
Sò nire cchiù d' 'o nniro
Sò comm'a dduje suspire
Ogne suspiro coce
Ma tene 'o ffuoco doce
E comme trase 'mpietto
Nun me dà cchiù 'arricietto
[Ritornello]
E chi ve pò scurdà
Uocchie c'arraggiunate
Senza parlà
Senza parlà?
A me guardate, sì
E stateve 'nu poco
Comme dich'i'
Comme sacc'i'
Comme vogl'i'!
[Strofa 2]
Sò nire, cchiù sblennente
'E ll'ebano lucente
Comm'a 'na seta fina
Sò ll'uocchie 'e Cuncettina
Sempe ca 'e ttengo mente
Nce trovo sentimento
Pecché nce sta 'nu vezzo
C'o sguardo ll'accarezzo
[Ritornello]
E chi ve pò scurdà
Uocchie c'arraggiunate
Senza parlà
Senza parlà?
A me guardate, sì
E stateve 'nu poco
Comme dich'i'
Comme sacc'i'
Comme vogl'i'!