Martellacore

[Testo di "Martellacore"]

[Strofa]
Mm' 'o ddiceva mammélla mia
Martellacore te perdarrá
Statte attiento si arrassusia
Te dicesse: "Tu mm'hê 'a spusá"

[Ritornello 1]
Che mme ne faccio 'e te, cuperta 'e raso?
Che mme ne faccio cchiù d' 'o lietto 'e sposa?
'O parrucchiano aspetta dint'â Cchiesa
E i' chiagno 'nnanz'a chesta casa 'nchiusa
Dint'ô core 'nu martiello
Ndunghe ndunghe ndunghe ndá
E 'nu chiuovo dint'ô cerviello dice:
"Chella nun turnarrá"
Cuperta 'e raso
Comm'ire bella 'ncopp'ô lietto 'e sposa
Che mm'ha fatto 'stu primmo ammore
Madonna mia, scánsame tu
Io t' 'o ggiuro cu tutt' 'o core
Ca nun voglio fá 'ammore cchiù

[Ritornello 2]
Che mme ne faccio 'e te, chitarra mia
Mo ca ce manca 'o mmeglio, 'a voce soja?
Comme ce 'ntenneréva a tutt'e dduje
Quanno cantava: "Nun te lasso maje"
Dint'ô core 'nu martiello
Ndunghe ndunghe ndunghe ndá
E 'nu chiuovo dint'ô cerviello dice:
"Chella nun turnarrá"
Chitarra mia
Comm'era doce e bella 'a voce soja
Che mm'ha fatto 'stu primmo ammore
Madonna mia, scánsame tu
Io t' 'o ggiuro cu tutt' 'o core
Ca nun voglio fá 'ammore cchiù

[Outro]
Mm' 'o ddiceva mammélla mia:
"Chella 'nfama te perdarrá"