Vivamus mea Lesbia
Catullus, Carl Orff
Vivamus, mea Lesbia, atque amemus
Rumoresque senum severiorum
Omnes unius aestimemus assis!
Soles occidere et redire possunt;
Nobis cum semel occidit brevis lux
Nox est perpetua una dormienda
Da mi basia mille, deinde centum
Deinde usque altera mille, deinde centum
Dein, cum milia multa fecerimus
Conturbabimus illa, ne sciamus
Aut ne quis malus invidere possit
Cum tantum sciat esse basiorum