Biddas scarèscias

Domus bàscias e muntronaxus
budrus e bècius in su bar
innoi non passat s'istadu
chi no est ària de votai
In s'istadi genti istràngia
Benit a mari po si coi
Lompint po batru diis
a coa si pentzant Briatori

Genti pòbora atacada
a machinetas e cocaina
giubentudi emigrada
Biddas isbùidas e scarèscias
In su satu bombarderis
ispedrint uràniu e merda
e sa genti a conca in artu
mancai ddi satit sa terra

rit.
Beni a ti fai unu giru in sa costa
In sa piana e su campidanu
Tòstaus che nuxi,
nieddus che puxi
bufaus grannacia e cannonau

Imoi bendeus traditzionis
Po su prexu de su turista
Fais is fèrias ma non pentzist
De connosci domu mia
Ca su fàmini si fai maus
ponit febi a suta de sa petza
nosu seus genti travessa
nàscia in dd'una bidda scarèscia

custa est sa die manna
sa riorta est cummintzada
in sas biddas e in sas rugas
a suba de is barricadas
custa est s'istòria de sa genti de cosa mia
crèschia in custa terra de poberesa e tirannia

Hsinu