Pag-Alabin Aming Puso (1995)
Manuel V Francisco SJ
Panginoon 'yong pag-alabin aming puso
Pagkat dahop sa pag-ibig kaming palalo
Kami'y turuan magmahal nang wagas
Nang puso nami'y tulad ng sa iyo'y magningas
Pawiin mo ang aming hinanakit
Nang aming malimot sakit at pait
Turuang patawarin ng may kaganaang-loob
Ang kapwa naming sa ami'y bumigo
Panginoon 'yong pag-alabin aming puso
Pagkat dahop sa pag-ibig kaming palalo
Kami'y turuan magmahal nang wagas
Nang puso nami'y tulad ng sa iyo'y magningas
Ibangon aming pusong nakalugmok
Nalulunod sa sariling lungkot at dagok
Himuking dumamay sa pasakit ng iba
Paglingkuran aming bayang dalita
Panginoon 'yong pag-alabin aming puso
Pagkat dahop sa pag-ibig kaming palalo
Kami'y turuan magmahal nang wagas
Nang puso nami'y tulad ng sa iyo'y magningas