فاكرني ياحب
أهو ده اللي كنت خايف منه
وعمر الخوف ما يرد قدر
عفريت الحب عليّ حضر
وده قلبته سم وياما غدر
تاجر غشيم وتجارته قمار
يا بتكسب دوبل يا تروح هدر
عفريت الحب عليّ حضر
وده قلبته سم وياما غدر
تاجر غشيم وتجارته قمار
يا بتكسب دوبل يا تروح هدر
فاكرني يا حب
أنا زبونك السقع المضمون
كان قلبي هنا عندك مرهون
وإدتني من الصنف المجنون
أبو العقد والذي منه
فاكرني يا حب
أيوة اللي غفلته عليك نور
ورجعت لك بعدها مقهور
وخذت غيره وبعد شهور
طلع اللي بعده أسخم منه
إكرمني يا حب المرة دي
ما تشدش من رف الماضي
إكرمني يا حب المرة دي
ما تشدش من رف الماضي
ما تحطليش فوق جرحي حجر
بتخم يا حب
أولها كله بيبقى تمام
بس العيوب بتبان قدام
فجأة كده بتحصل قفلة
دي عيوب صناعة مش إستخدام
بتخم يا حب
على العموم غطلة وتتداوى
ده جر خير مش جر عداوة
أنا عايز أحب إغطس وقب
وإطلع بقى بحاجة نقاوة
إكرمني يا حب وحياة أبوك
وهجيب صحابي ينفعوك
إكرمني يا حب وحياة أبوك
وهجيب صحابي ينفعوك
وفوق وخلي عندك نظر
عفريت الحب عليّ حضر
وده قلبته سم وياما غدر
تاجر غشيم وتجارته قمار
يا بتكسب دوبل يا تروح هدر