نقطة بيضا

في صوت جوايا بينادي لي من بعيد
سامعه عارفه كويس بس أنا عامل عبيط
نقطة بيضا في وسط سواد إنسان بينادي جماد
هو البراءة والسذاجة وأنا الدنيا الكذابة
عايش معه في السجن وأنا السجان
معايا مفاتيح كل البيبان لكن جبان
أنا الجاني والمجني عليه
أنا كل الأسباب ولسه بسأل ليه

هو أنا وأنا هو، هو حرب دايرة جوة
جوة مني وبتقتلني مهما جريت أو هربت
هو أنا وأنا هو، هو حرب دايرة جوة
جوة مني وبتقتلني مهما جريت أو هربت

جوايا إثنين وأنا الثالت والثالت دايماً ساكت
سلم بطل يتكلم ولا بيحس ولا بيتألم
جوايا عقل وقلب دايماً عايشين في حرب
قلبي حاسس بالذنب وعقلي واخذ جنب
والدنيا ماشية عكسي لفيت ومشيت وراها
وبعت أنا نفسي، نفسي خليتني أنساها جنب
ولبست وشوش ثانيين نسيت في الأصل أنا مين
فقلت أرجع من ثاني لقيت نفسي اللي بتعاني

هو أنا وأنا هو، هو حرب دايرة جوة
جوة مني وبتقتلني مهما جريت أو هربت
هو أنا وأنا هو، هو حرب دايرة جوة
جوة مني وبتقتلني مهما جريت أو هربت