أمي

ما نكذبش عليك ونقول لك فرحان Madre
ما نكذبش عليك ونقول لك ما عندي جراح ولا أحزان
شحال خبعت عليك ونقول لك باللي راني مزيان
كنقول لك باللي هانية، وأنا في قلبي عيان
كنخبي عليك هموم الزنقة وعارفك بيّ كتحس
في وجهك نبتسم والدموع في عيني تيبس
ديما نقول لك بخير، وخا نكون مكرفس
يمّا ديالي معايا في الحرية ولا في الحبس

الإنسانة الوحيدة اللي عمرها بيّ خوات
الإنسانة الوحيدة اللي من قلبها عليّ بكات
شحال سهرات، شحال وكلات وربات
شحال من دمعة من عيني مسحات وفيّ حنات
ربي يطولها في العمر(يمّا) يخليها معايا
ملي كل شي خوى بيّ، جبرتها حدايا
عمرها فارقتني وخا طحت في بيت الخطر
عمرها سمحت فيّ وخا كنت في الحبس مشبر

ما تبكيش، يمّا ما تبكيش
دموعك غالية، وغيرك أنا ما عنديش
وما تبكيش، يمّا ما تبكيش
ما تبكيش، فراقك ما قديتش
ما تبكيش، يمّا ما تبكيش
دموعك غالية، وغيرك أنا ما عنديش
وما تبكيش، يمّا ما تبكيش
ما تبكيش، فراقك ما قديتش

madre ثيق بيّ
(الوردة الوحيدة اللي في حياتي (ماما
وخا نعيا منقول عمري نخرج اللي في ذاتي
من جيهتك، غنكون مقصر طول حياتي
وخا نطوف بك الكعبة ندعي لك في صلاتي
الوليدة، نبغيك بزاف
رضي عليّ وزيد في رضاك من سخطك نخاف
كنتمنى ربي يقدر، ونعوض اللي راح
باغيك تكون مرتاحة باش أنا قلبي يرتاح

دعي معايا وصبر، ما تعملش في بالك
أنا معاك حتى الكفن ياك أنا الكبدة ديالك
يمّا راك دمي ومفتاخر أنا ولدك
ربي يطول لك في العمر حتى تشوف ولاد ولادك
كابرين حداك ورضاك عندي تاج راسي
نموت أنا من أجلك وعليك قادر نقاسي
ربيتي أولادك رجال من صغري ڭاع ما ناسي
شحال صبرتي معنا، نفديك بكل أنفاسي

ما تبكيش، يمّا ما تبكيش
دموعك غالية، وغيرك أنا ما عنديش
وما تبكيش، يمّا ما تبكيش
ما تبكيش، فراقك ما قديتش
ما تبكيش، يمّا ما تبكيش
دموعك غالية، وغيرك أنا ما عنديش
وما تبكيش، يمّا ما تبكيش
ما تبكيش، فراقك ما قديتش