في زينة كتير [Original]
Anthony Khoury
في زينة كتير
بكل زاوية، كل زاروب
شي بلمّع شي بطير
شي معلّق شي مكبوب
في زينة كتير
وبخيال الزّينة خيال الزّمان
في ناس كمان حزينة كتير
عم بتضوي بكل الألوان
في زينة كتير
يمكن ما بتأذيني كتير
ضو بيطفي، ضو بضور
ولاد حولن تركض وتدور
في زينة كتير
وقلوب طالع منّا العمر
ملفوفة بورق وشرايط حمر،
تنباع عالشارع بالدزّينة
في زينة كتير
وعن حبّك يمكن تغنيني
صورتك بتياب الشّعنينة
لمّا جيت لتوصّيني
فكّر فيي وما تنساني
ونسيتك عكترة التّفكير
إنتَ بقلبي الزيني وبعدك إنتَ الوحيد
ياللي فيك تواسيني كل ما يخلص العيد
ويجي موسم تاني، موسم يقطع ويعيد
مطلع ذات الأغاني الي حليناها سوا عالترديد
وبعدك إنتَ الزيني وبعدو وهجك بيزيد
بتضوي لتدفيني لمّا حس حالي وحيد
ناطر تجي تهنّيني تاخدني بموسم جديد
ونروح نتفرّج عالزيني وتقول "شكلو السنة في زيني كتير