Bataly Tehebeeh - بطلي تحبيه

[المقطع الأول]
إنسيه ما تفكريش تاني فيه
وإشغلي نفسك عنه بأي حاجة
بطلي تحبيه وسيبيه
ما ترجعيش تاني ليه
وإن حاول هو إنتي إوعي تسألي فيه

[قبل اللازمة]
كلام سهل وبسيط بس مين اللي يعمل بيه
أيوة ده كلام بسيط بس مين اللي يعمل بيه

[اللازمة]
قلبي معادش هادي ولا بحياته راضي
لو كان حب عادي كان مقدور عليه
فيه عاشقين يتوبوا وفيه عاشقين يدوبوا
وأنا حبيت عيوبه وأكتر من ده إيه
بقول لسنيني فوتي، بُعده يعني موتي
لو سكت صوتي قلبي بيناديه
فاكرة كل همسة، حاسة كل لمسة
فكرة إني أنسى بتفكرني بيه

[المقطع الثاني]
وأرميه بذكريات لياليه
وبلاش تلحي عليه
أو حتى مرة تطلبي تقابليه
ولو إيه إوعي تجري عليه
وإمنعي دمعت عينيكي لو صدفة يوم شفتيه

[قبل اللازمة]
كلام سهل وبسيط بس مين اللي يعمل بيه
أيوة ده كلام بسيط بس مين اللي يعمل بيه

[اللازمة]
قلبي معادش هادي ولا بحياته راضي
لو كان حب عادي كان مقدور عليه
فيه عاشقين يتوبوا وفيه عاشقين يدوبوا
وأنا حبيت عيوبه وأكتر من ده إيه
بقول لسنيني فوتي، بُعده يعني موتي
لو سكت صوتي قلبي بيناديه
فاكرة كل همسة، حاسة كل لمسة
فكرة إني أنسى بتفكرني بيه