Aaks Elli Shayfenha - عكس اللي شايفينها

[المقطع الأول]
وقالوا سعيدة في حياتها واصلة لكل أحلامها
وباينة عليها فرحتها في ضحكتها وفي كلامها
وعايشة كإنها في جنة وكل الدنيا مالكاها
وقالوا عنيدة وقوية ما بيأثرش شيء فيها
ما حدش في الحياة يقدر يمشي كلمته عليها
هتحلم ليه وتتمنى؟ ما فيش ولا حاجة ناقصاها

[اللازمة]
ومن جوايا أنا عكس اللي شايفينها
وع الجرح اللي فيها ربنا يعينها
ساعات الضحكة بتداري في جرح كبير
ساعات في حاجات ما بنحبش نبيّنها
كتير أنا ببقى من جوايا بتألِّم (آه)
ومليون حاجة كاتماها بتوجعني
بيبقى نفسي أحكي لحد وأتكلم
وعزّة نفسي هيّ اللي بتمنعني

[المقطع الثاني]
سنين وأنا عايشة في مشاكلي وبعمل إني ناسياها
وحكموا عليا من شكلي ومن العيشة اللي عايشاها
أنا أوقات أبان هادية ومن جوايا نار قايدة
ولو يوم اللي حسدوني يعيشوا مكاني لو ثانية
ولو شافوا اللي أنا شفته هيتمنوا حياة تانية
ولو أحكي عن اللي أنا فيه هتفرق إيه؟ إيه الفايدة؟

[اللازمة]
ومن جوايا أنا عكس اللي شايفينها
وع الجرح اللي فيها ربنا يعينها
ساعات الضحكة بتداري في جرح كبير
ساعات في حاجات ما بنحبش نبيّنها
كتير أنا ببقى من جوايا بتألِّم (آه)
ومليون حاجة كاتماها بتوجعني
بيبقى نفسي أحكي لحد وأتكلم
وعزّة نفسي هيّ اللي بتمنعني